Di 31ê Adara 2000î de li Almanyayê li bajarê Bilefeldê PADEK û Hevbendiya Demokrata Kurd li Sûriyeyê(ku hemû partiyên Kurdistana Sûriyeyê pêk tê) Newrozê bi hev re pîroz kirin. Di þevê de nêzî 3000 kes beþdar bûn.  Em Axaftina li ser navê PADEKê li jêr çap dikin.

Hevalên hêja;

Partiya Azadî û Demokrasî ya Kurdistanê, ji dil û can, cejna Newrozê pîroz dike û ji we re serkeftinê dixwaze.

Hevbendiya Demokrata Kurd li Sûriyeyê û Partiya Azadî û Demokrasî ya Kurdistanê, bi hevre, pîrozkirina Newroza sala 2000î, gavekê gellek giring û hêja avêt. Ev gava "piçûk" dê bibe mînakek heja û bi qimet, ji bo hemû hêz û dezgehên Kurdistanê.

Dijminê gelê me, bi vê helwesta we, dê carek din bibe þahîdê yekîtiya neteweya Kurd. Dagirker dê carek din bi çavên xwe bibînin ku neteweya Kurd, sînorên ku bê dilê wê hatiye kiflandin, nas nake û ev sînor nikare yekîtiya neteweya me ji holê rake û perçe bike.

Lê helbet, her perçeyê welatê me û tevgerên wî, dê li gor þert û zirûfên xwe têkoþîna gelê me, bê westan bidomînin. Ev têkoflîn, dê heta roja serkeftinê bêwestan dom bike.

Îro ji xeynî neteweya Kurd, tu milet li cîhanê ji mafê xwe yê neteweyî û demokratîk bê par nemaye.

Ji bo serkeftina me, yek rê heye; divê em têkoþîna xwe ya bi heq hîn xurt bikin û yekîtiya xwe di her warî de pêþve bibin. Tu deq û dolap divê, me ji vê rastiyê durnexe. Divê tu carî, em listêkên dijmin ji bîr nekin ku, ew bi yekîtiya me ne kêfxweþ in. Ew bi qelsbûn û perçebûna me pir bi kêf xweþ in, ji ber ku di saya vê perçebûna me de ew, evqas sal in li ser miletê Kurd hukmê xwe dajon. Loma jî, divê em yekîtiya xwe hîn xurttir bikin û têkoþîna xwe hîn pêþdetir bibin.

Bi munasebeta cejna Newrozê, Partiya Azadî û Demokrasî ya Kurdistanê, we bi dilek germ silav dike, cejna we ya Newrozê pîroz dike û ji netaweya Kurd re serkeftinê dixwaze.

31 Adarê 2000î
PADEK
Partiya Azadî û Demokrasî ya Kurdistanê