PNK- BAKUR

JI RAYA GIŞTÎ RE

Weka tê zanîn demajoya şerê kendavê ku bi êrîşkarî mîrîtîya dîktatorîya hova Sedam ser bi Kuweytê ve destpêkir ber bi tawî tê. Vê êrîşkarîya dîktatorîya Sedam jî, bi giranî di rojhilata navîn de û pêre di tevayîya dinê de, li ser guherandinên kêşa têkilî û hevkarîyan de bû egerek.

Heta vê demajoya şerê kendavê berjewendîya netewa kurd û tu hêzek ji hêzên xwurtên dinê ne li kêşek mêzînê bûn. Vê demajoya hanê mêtinkarek ji mêtinkarên Kurdistanê xist hemberê DYE ku îro desthilatdarê herî mezine li dinêye. Ji bona gelê kurd, di guhertina mîzana kêşan de bû destpêkek nû. Li vê navçê berjewendîya kurd û DYE li hember dîktatorîya hova Sedam gihîşte hev. Ev jî firsetek nû ji bona gelê kurd aamade kir. Mêtinkarên din yên Kurdistanê jî, her çend li hember doza Kurdistanê yekin û di vî waarî de her tim dinav hevkarîyek dene jî, lê her yek ji ber egerên cuda be jî sererast nikaribûn piştgêrîya dîktatorîya hevalbendê xwe bikin. Tenê li ser tirsa pêşketin û destketinên tevgera Kurdistanê li hev gerîyan, civîyan û ketin nav peymanan. Cîyê kêfxweşîyê ye ku ev jî, ji bona pêşîgirtina destxistinên Kurdistanê têrnekirin. Ji ber ku kêşa di vê demajoyê de, ji bona rûxandina vê nîrê hov tu hêzek ku karibe şûna hêza kurd bigire tune bû. Ev jî egerek gelek mezine ku di demajoya şerê kendavê de hêza Kurd bibe hêzek bingeh û dinav hêza hevpeymanan de kêşek girîng bigire. Ji ber vê ye ku ev deh salî bêtire ku, ji alîyê DYE û hêzên hevpeymanan ve navça Kurdistanê tê parastin.

Şûna şanazîyê ye û pêwiste ku meriv bêje; tevgera kurd li vî beşê Kurdistanê, di vê demajyê de bêyî hinek bûyerên bi kul, bi hilbijartinan, bi avakirina Parlamentoya Kurdistanê, bi biryarsendina Dewleta Federal, bi mixalefeta Iraqê re li ser Iraqek federasyon li hevkirin û biryar sendin, bi avakirina rêvebirinî û aavakirinî û xizmetên perwerde û saxlemîyê li Kurdistanê, derxistin bicîhanîna qanûnên pêwist û hwd.

Di dawîyê de DYE tevî Ingilîzan û hêzên hevpeymanan tevî gengeşî û bihevketinên gelek mezin dinav Yekîtîya Netewan û NATO yê de, di 20 adara 2003 yan de êrîşê mîrîtîya mêtinkarîya Sedam kirin. Di vê êrîşê de wek hêzek leşgerî ji navçê tenê hêza kurd tevî şer bû. Ev pêwist bû, ji ber ku ji alîyek ve, şer li ser axa Kurdistanê jî bû, ji alîyê din ve jî şer li dijê mêtinkarek Kurdistanê bû û rêya azad kirina axa Kurdistanê ya dibin mîrîtîya mêtinkarîya Sedam li ber kurda vedikir. Tevgera kurd weha jî kir û tevayîya axa Kurdistana başûr azad kir.

Azad kirina Kurdistana başûr ji bona netewa kurd, kiryarek pîroz, mezin û dîrokî ye. Vê serketin û destketina mezin li netewa kurd pîroz be. Pêwiste ku ev baş bê zanîn; bi vê serketin û destxistina pîroz; karûbar û vatinîyên li ser milên rêxistin û kesên kurd siviktir nabe. Lê ev destxistina hanê kar û vatinîyên mezin di serî de çawa di bidestxistinê de li ser PDKI û YNK bû, wê ji niha û şûnde jî dixe ser milên wan û hemî rêxistin û kesên Kurdistanî.

Divê di demek herî lezde Parlamento û hukumeta Kurddistanê bê yek kirin, divê hemî kar û sazîyên rêvebirinî, parastinî, saxlemî, hînkarî, xizmetê û hwd. Bên yekkirin. Du serîtî ji nav Kurdistanê rabe. Berberîtî ya sîyasî tenê di warê kar û xizmeta welaat û gel de bimîne. Dîsa pêwiste ku di vî warî de çi baar û vatinî têkeve ser milên rêxistin û hêzên perçen Kurdistanê yên din jî wek heta niha û pirtir jî bi balkêşî pêkbînin û alîkarê Kurdistana başûrbin bipaarêzin û xwedî lê derkevin. Nîsan 2003

PIK (Islamic Party of Kurdistan), PSK (Socialist Party of Kurdistan), PADEK (Freedom and Demokratic Party of Kurdistan), PRK-Rizgari (Liberasyon Party of Kurdistan), RSDK Demokratic and Socialist Organisation of Kurdistan), Kürdistan Özgürlük Insiyatifi (Freedom Initiative of Kurdistan)