Di cejna Newrozê de
Li hember "Komara Demokratîk"
û entegrasyona sîstemê dengên
xwe bilind bikin!

Gelê Kurd, cejna xwe ya neteweyî ya Newrozê ji mafên xwe yên neteweyî û demokratîk bê par pîroz dike. Bi nêzîkbûna Newrozê ve dewlet li Kurdistanê tedbîrên leþkerî û emnî zêdetir, erîþên xwe li dijî gelê Kurd û rêxistinên wê yên siyasî û demokratîk dijwartir  dike. Bi sebebên besît Kurdan îtham dike; li hember HADEPê
siyaseteke hovana dajo û dixwaze siyasetê ji serokbelediyeyên wê re qedexe bike. Kurd di bin tehdît, çavtirsandin, girtin û cezakirinê de ne.

Bêhiqûqî û bêadaletiya dewletê li Kurdistanê li dar e. Li welatê Kurdan qanûnên li ser qaxiz jî derbas nabin; serokdewlet û serokên partiyên wan jî îtîraf dikin ku dewlet li Kurdistanê derdikeve derveyê "rûtînan" ; Tirkiye bûye dewleta çete û mafiyayan.

Di destpêka sedsala nû de û di pêvajoya berandambûna Tirkiyeyê ya Yekîtiya Ewrûpayê de jî di siyaseta Tirkiyê de tu guhartinekê berbiçav çênebûye. Azadiya ramanî û rêxistinî tuneye, di derheqê partiyan de dawayên girtîbûnê tên vekirin, fikir beyankirin sûc e û bedela wê hepis e. îþkence li dar e, mafê mirovî bin lingan e û Kurd ji mafê xwe bê par e. Dewlet bi her haweyî Kurdan înkar dike û berdevkên dewletê bi yek dengî dibêjin li welatê me "eqaliyet" tunene. Heta gotina " Kurd" jî êdî di medyaye wan de nahê bikaranîn.

Kurd di pêvajoyekê herî hessas û dijwar de dijîn. Rewþa Kurdan roj bi roj ber bi xerabbûnê ve diçe. Bi taybetî jî piþtî pêvajoya Imraliyê û îfadeyê Ocalan û guhartina siyaseta PKK-ê Kurd bi dewletê re ber bi entegrebûnê ve diçin; bi taybetî jî HADEP di þûna ku siyasetekê bi þexsiyet bajo ew jî pêþengiya vê entegrasyonê dike; ji dewletê re þelaqiyê dike.

Hin rewþenbîr û kadroyên Kurdan ji nirx û rûmetên ku doh diparastin dûr dikevin; beyî ku ji gelê Kurd bipirsin li ser navê xwe qedera Kurdan tayîn dikin û ya herî xerab jî ew rêxistinên ku bi salan e têkoþîna Kurdan anînê vê qanoxa bi "cudaxwazî" û "illegaliteyê" îtham dikin.

Gelek ji wan doh bi navê sosyalîzmê li dijî pirsa Kurdî derdiketin, digotin "ger sosyalîzm bê dê Kurd bigihîjin mafên xwe", îro jî dibêjin ger demokrasî li Tirkiyeyê tanzîm bibe dê Kurd mafên xwe bi dest bixin". Lê ew tiþtekî jibîr dikin ku ger li Tirkiyeyê demokrasî tanzîm bibe jî dê dîsa li ser uslûba Kemalîzmê bibe û îdeolojiya Kemalîzmê jî eþkere ye û bingeha wê jî " yek millet" , "yek al", yek dewlet" û " yek zimên" e.

Ey gelê Kurd

Rê nedin ku li ser navê we, li ser xwîn û xweydana we, li ser ked û cefayên we hin rêxistin û rewþenbîr bi navê "Demokratîk cumhurîyet", " Demokrasî" û "Aþtiya" bebingehîn Kurdan bi sîstemê re entegre bikin, daxwaziyên we yên neteweyî yên adil di hundirê sîstemê de bihelînin.

Di çareserkirina pirsa Kurdî de rêya herî maqûl û bi mantiq ew e ku hûn bi dengên xwe û bi awayekî demokratîk ji pirsa xwe re çareyeke bibînin. PADEK ji bo çareserkirina pirsa Kurdî pêkanîna referendûmê erka xwe ya sereke û bingehîn dibîne. Gava ev rewþ û merc bêne cih û hûn bi azadî ji xwe re serxwebûn, konfederesyon, federesyon yan jî awayekî din hilbijêrin, divê hûn îradeya xwe bi awayekî demokratîk beyan bikin. Di þertên weha de partiya me dê bibe parêzgerê komareke demokratîk a serbixwe, lê ne ji ber ku li dijî awayên çareseriyê yên din e, ji ber ku ev awayê çareseriyê yê herî dadimend û payîdar e.

Gelê Kurd jî wek hemû gelên dinyayê dixwaze li ser axa xwe di nav aþtî, aramî û serbilindiyê de bijî, bi vî ruh û þiûrê dixwaze cejna xwe ya neteweyî Newroz pîroz bike. Têkoþîna wê ya adil ji bo vê yekê ye.

Di vê roja girîng û bi manîdar de li dijî kedxwarî û dagirkeriyê divê em dengên xwe bilind bikin û hêzên xwe bikin yek û têkoþîna xwe berfireh bikin.

20-ê Adarê 2000
PADEK
Partiya Azadî û Demokrasî ya Kurdistanê