Partiya Azadî û Demokrasi ya Kurdistanê

Divê kurd Newroza xwe bi terefbûna xwe pîroz bikin!

Gelê kurd Newroza xwe ya îsal di parçeyeka welêtê xwe de, di bin misogeriya hiqûqî ya maf û azadiyan de pîroz dike! Kurdên parçayên din jê vê rewşa başûrê welat xweşhal in û bi şênazî pêşewaziyê ji bo wê diyar kirin. Bi vê munasebetê li Kurdistana Iranê li gellek bajaran gelê kurd bi girseyî daketin kuçe û kolanan û ji bo wê jî bûn hedefa êrîþên rejîma melleyan. Li binxetê kurdên cefekar û fedekar nehiþtîn ku Baasiyên şoven yên avrûyên Seddam serokê Baþûr û destkeftiyên wan pîçûk bixînin singe xwe li hember êrîşên wan vekirin û bi mêranî berxwe dan. Li Qamişlo û li gelek bajar û bajorêkên din serî hildan û bi dehan şehîd û bi sedan jî bîrandar bûn.  Ew careka din dengê xwe bilind kirin û êdî naxwazin di bin esareta rejima Baasê de bênifûs û bêazadî û bêdemokrasî bijîn.  Em terora ku li dijî gelê me tê bi kar anîn rûreş û riswa dikin û terora ku li Ispanyayê li hember kesên sivîl jî hat kirin şermezar dikin

Êdî wext hatiye divê NY li gorî prensibên xwe tedaxulê dewletên ku kurd xistine bin nîrê xwe bike û pirsa kurdî re çareyek bibîne. Nimûneya Iraqê û Kurdistana Iraqê ji bo parçayên din jî dikare wek modela çareseriyê bête dîtîn!

Herçiqas qanûnabingehîn ya muweqat bersiva hemû daxwazên başûrê welêt ku pêvajoyaka ew gihaştine wê nede jî, bi yasayî û hiqûqî garantîkirina maf û azadiyên kurdan li başûrê welêt li me hemûyan pîroz be!

Komara Tirkiyeyê di vê pêvajoya berandametiya xwe ya YE de divê ji vê nimûneya Iraqê siûd werbigire û gavên konkret bavêje. Divê ew nasnameya kurdan ya neteweyî û hemû maf û azadîyên ku bi vê nasnameyê ve girêdayî ne, di qanûnaesasî ya xwe de weke mafên kollektîf bi cîh û garantî bike. Heta maf û azadiyên kurdan û daxwazên wan yên neteweyî û demokratîk li Tirkiyeyê bi huqûqî neyê misogerkirin em ne terefen ku YE tarîxa muzakereyê bide Tirkiyeyê. Divê Ewrûpî guhên xwe bidin daxwaz û banga kurdan û wan jî di vê pêvajoyê de wek teref bibînin.

Li bakurê welêt di bin atmosfera hilbijartina herêmî de Newroz tê pîrozkirin. Di 28ê Adarê de li bakurê welêt û li Tirkiyeyê hilbijartina herêmî çêdibin. Lê mixabin kurd ji nasnemeya xwe ya neteweyî bêpar dikevin hilbijartinê. Hin Komara Tirkiyeyê qaþo di berendambûna YE de jî di qanûna xwe ya partiyên siyasî de guherandineka berbiçav çênekiriye ku mafê kurdan hebe ew bi nav û nasnemaya xwe bikevin hilbijartinê.

îro partiya ku kurdan aleqedar dike DEHAP e, ew jî bi partiyên çep, sosyalîst û sosyaldemokrat yên Tirkiyeyê re ketiye tifaqê û bi navê SHPê û di bin namzetên SHPê  de dikeve hilbijartinê. Bi ya me ev siyaseteka şaş e û menfeata kurdan di vir de tuneye. Herçiqas DEHAP siyaseteka ku dixwaze xwe ji partiyeka etnikî paqij bike û bibe partiyeka Tirkyeyî dajo jî, di nav partiyên ku tîfaqê çêkiriye de partiyeka bi hêz e û li gellek bajarên Kurdistanê partiya yekem e û îro di 38 belediyan de karîn e. Kurd ancax bi nasnameya xwe ku nasnameya wan bi hiqûqî nahê naskirin jî bi rewşa xwe ya fillî dikarin li Kurdistanê bibin iktîdar! 

Divê kurdên li derveyî DEHAPê xwediyê alternativek ber bi çav bin. Gellek girîng e ku kurd  mahkûmê DEHAPê nebin. Her kurd e ku bi siyasetê mijul dibe, divê li ser ve alternativê serê xwe bêşîne, ku wusa nebe em bixwazin an nexwazin gele me dê dengê xwe bide DEHAPê û ew siyaseta ku dixwaze dê bimeşine!

Divê siyaseta hêzên kurdan ew be ku kurd di her warî de bibin teref û ew bi destê xwe welatê xwe îdare bikin. Divê em bîrve nekin ku yek ji sedemên hemû serhildanên kurdan ji bo vê yekê bûye ku; ”divê memûrên Kurdistanê kurd bin û Kurdistan ji aliyê kurdan ve bê îdarekirin.” Di vê çereçweyê de divê memûr, zabit û amîr, karkir û karmendên kurd yên ku di dewletê de bi kadro nin û li metropolê xizmet dikin ew muracat bikin ku tayîna xwe derxin Kurdistanê û li wê xizmetê bikin. Divê li Kurdistanê birêvebirên îdarî û mulkî kurd bin û bên hilbijartin. Di vê çerçeweyê de divê di hilbijartinê de li herêma Kurdan deng bên bi kar anîn. Ku namzetên wiha tunebin herî bi mantiq ew e ku divê kurd neçin ser sandiqan, yan jî pusûlaya sipî bi kar bînin.

Heta kurd nebin teref û bi terefbûna xwe, xwe îspat nekin ne kes wan cîddî digire û ne jî ew xelas dibin. Bi vê mantiq û felsefê divê kurd xwedî li nirxên xwe yên neteweyî û demokratîk derkevin.

19.03.2004